اقتباس:
المشاركة الأصلية كتبت بواسطة adelmatrix99
صباح الفل اخي الكريم ممكن تحكيلنا شويا على التربص و الفحص الطبي و تحقيق الاداري عند التخرج
|
اهلا بيك اخي الكريم التربص نتاع الجمارك والله مافيه حاجة بالنسبة ليا انا الا فوت العسكر جاني السطاج سهل جدا مقارنة بالجيش صح الا يكون جديد تجيه صعوبة لكن مع الوقت تسهال الحالة لان الفترة 45 يوم الاولى تعب خاصة لما تكون في شتاء والنواض بكري لكن بعد 45 يوم يعود قراية برك حتى لشهر الاخير يبدا التحظير للتخرج واكيد راح تكون والفت السطاج وتعرفت على اناس جدد
الفحص الطبي مايشوفوا غير نتاع راديو نتاع القلب واكيد راح تجيب شهادة طبية وماشفتش واحد خروجه من الجمارك بسب طبي
لو قصدك لنكيط مافيها حتى شئ الدولة تعرف تاريخك من يوم زدت هي مجرد اسئلة فقك عادي
والله اعلم