البارح كنت نتفرج في التيليفيزيون والله يا خويا صرعوني بكلمة في رمضان حتى حسبت هذا رمضان راه مديور للتفراج و الي تزيد تقتل كلمة حصريا تحسب راهم رايحين يديرونا الجنة و راهي حصريا غير في ذيك لاشان انا ماشي معنتها مانتفرجش نتبع مي شي مسلسلات والله الواحد مايتفرج عليهم حتا و هو فاطر ماشي حتا هو صايم و الشي الي زاد قتلني كثر يديرولك شي ممثلين والله الواحد يحشم باه يتفرج عليهم لهلا تربحهم والله كون جاو عرب تاع صح و ليشان هاذوك تاع مسلمين والله الحسنات الي يدوهم غير بلبزاف لانو كانو يديرو حوايج ينفعو ربي يهدينا .اه انا شفت انهم كل مايكون مسلسل جديد و اكثر جراة الشعب العربي يزيد يتبهدل كثر و تزيد المشاكل تاعو و كون كل واحد يشوف شحال من مشكل صرا على جال مهند و نور و شحال من عائلة تخربت و العشق الممنوع مانهدرش عليه حالات الخيانات الزوجية راهي في تزايد مستمر و فاطمة والله ماعلابالي واش راح يجي موراها .انا من غير مهند نور ماتفرجت حتى مسلسل لانو كرهولي المسلسلات و انا نعرفهم لانو مكانش جماعة تاع بنات ماتلقاوهمش يهدرو عليهم