[اسلام انس]

المشاركة الأصلية كتبت بواسطة soso sirin

هي والله غير واش قلت صح انا لحد الان مانيش فاهمة شي امهات تقول مهابيل بكري كانت الام توصي بنتها اصبري عليه و اصبري معاه يماه ماترديلهاش راهي كي يماك و اذا وصلاتك و ماتوصليهاش والله كاين بنات مامنين انو العجوزة تدي من عندها دعوة الشر كيما ليمات تقولها خلاص راكي تزوجتي تفوتي خرجتي من دار باباك هو الي راه يحكم فيك و كيما انتي تبغي والديك هو تاني يبغي والديه ماتكونيش سامطة و تكرهيلو حياتو بالطلبات اذا عزيتي روحك هو راه يعزك كثر و مادومونديش منو الصوالح دايمن خلي هو يشريلك بلا ماتقوليلو باه يقول عليك شبعانة من داركم تاع ضروك شوف واش تسمع من عندهم راجلك لازم تحكمي فيه من الاول ماتخليهش يحكم فيك بلاكي تحليلو العين من الاول بينيلو بلي انتي الي تحكمي يماه فوتيلها الاولى تعاودها رديلها ماراكيش خدامة عندها والديه كون تمديلهم عينيك تقعدي بنت الناس و راهم جابوك خدامة برك و جابوك للكوزينة تحسب مساكين بلا بيها كانو يظلو صايمين راجلك ماتخليش كامل الدورو في جيبو يترفه يدير عليك الزاوجة تحسب الراجل مهبول هو في وحدا ماراهش سالك يجيب لخرى و من النهار الاول تولي شريلي جيبلي تحسبها كانت في دارهم ماتاكل ماتلبس و الشابة كي تلقاها تقولهايهدر معاك كلمة رفدي قشك و ارواحي دار باباك دايمن مفتوحة و لا تحسب هذا الراجل تزوجت بيه غير على جال باه تخليه تحسب راهي رايحة تفوت معاه يومين و ترجع لدارهم.والله كاين شي عايلات يوصلو بناتهم للمحال و من بعد يرجعو يحللو

بارك الله فيــــــك اخي ســــرين.......كلام جمــــيل.......بصح شكـــون يسمعــــلك....راه كلش تخــــلط....شكـرا لمـرورك