[نتــــــــــاشا]

المشاركة الأصلية كتبت بواسطة la star31

يا اختي و لاه العمليين رام يديو 20 في العلوم؟؟؟

لكن انتي فقط استعرفي انوا واحد يعرف يقرا من المستحيلات السبع يدير شعية اداب...

و نقولك كون جاو الي يعرفوا يقراو يخيروا الادب كون راحي كاينة معدلات 18ة عند الادبيين عادي...

و زيد العلميين رام يقراو اكثر من الادببين فيزياء و علوم و بمعامل 5...يعني لازم تستحيو كي تقولوا لاه يكرموا غير الادبيين..

لأننا نحنا نقراه كلش مواد لحفيظا و لفهامة عام الباك تعقبيه عقاب ثانية ما تبقالكش للراحة و انت تحلي في التمارين تاع الموااد العلمية و نتي تحفظي في المواد الادبية تاني...

لاه يعني احنا نحفظوا مقالات الفلسفة و دروس العربية تجيو تقولوا كيفاه العليميين...

نتحدا واحد ادبي يجي يقرا علوم...لانوا الادبيين و مثل ماني شايفتهم في ليسينا يقولوا ا احنا ماناش ماناش راح نديو مليح و يقعدوا



و زيد اختي احنا بروقرامنا تاع العلوم يشوي ما تجي تفهمي نتهبلي و تحلي عليه مئات التمارين و باه تفهميه و في الاخير تاع شعبة رياضيات يديو الميدسين قبل العلميين .........

لذلك نقلكم انوا كل الشعب محقورة و ماهي شعبة مفضلة على لخرى هادي هي...

ختيتي مالا حطيها في بالك بيان بلي انـــا اللي خيرت شعبة اداب وفلسفة مع العلم ان نقطتي في العلوم بشهادة التعليمـ المتـوسط كانت 16.5 و العربية 16.5 و بالتالي كنت جيدة فيهم بين زوج و الحمد لله لكن الميول ديالي كانت للمواد الادبية اكثر، و كلامك على الادبيين بلي كامل مايعرفش يقراو بدليل خيرو الادب عيب والله وليس كل ادبي مايقراش وليس كل علمي انشطاين زمانو...!
والحمد لله كنت دايمــا متفوقة في قسمي لكن رغم اجتهادي مستحيل نتحصل على معدل 18 ولا حتى 17و 16 باش نكونوا اكتر صراحة٫وهذا راجع لطبيعة المواد ديالنــا اللي مستحيل تتحصلي فيها على نقطة كاملة ولا حتى على 18 ،بينمـــا العلميين الشاطر يقدر يدي 20 بكل بساطة ودون اشكال ولوكان يصحولــنا كيما العلميين والله غير نوصلو 18 بكل بساطة.
امــا كي قلتي مواد الادبيين حفيظة خليني نقولك يا ختيتي لوكان صح حفيظة كامل نحفظوا مقالة ونجيبو 20.19 مي اعلى نقطة 17 ،و العربية مستحيل جيبي فوق 16 مالا قوليلي ختيتي وين راهي لحفيظة اللي راكي تهدري عليــها؟؟؟
وديري في بالك بي شعبة اداب و فلسفة من اصعب الشعب و اعقدهــا

تحيــــاتي ليك...