السلام عليكم ورحمه الله وبركاته
بعد ان سبنا احد ابناء الجزائر وبعد الزوبعه التى حدثة نتيجه ذلك نرى اننا نحن المصريين ان نترفع عن الصغائر واقول لاهلنا فى الجزائر مسمحنكم بجد وارى كبادرة حسن نية ان ندعوا اخواننا ابناء الجزائر الى زيارة مصر وكل تكاليف اقامتهم علينا نحن المصريين اخوتكم نعم
فانا عن نفسى استطيع ان استضيفكم فى شقتى بمصر وساجعلكم ان شاء الله تتنزهوا فى مدينه الاقصر ودى مدينه سياحية مشهورة عالميا ويعرفها يمكن معظم الاجانب والمدينه دى فيها زى مبيقلوا ثلث اثار العالم والاقامه عندى فى شقتى
وكمان استطع ان اجهز لكم شقه او ارشدكم الى فندق رخيص الثمن فى مدينه الغردقة السياحية ومحدش يعلق على كلمه رخيص لانى المدينه دى غاليه واسعارها نار لانها سياحية والفرق بنها وبين مدينه الاقصر انى الغردقة فيها بحر والسياحه بتكون تقريبا عشان البحر اما الاقصر فيجلها الناس عشان الاثار اللى فيها ومدينه الغردقة فى محافظة بجوار محافظتى اللى انا فيها
وارجوا الاخوة المصريين الباقيين الى استضافة الاخوة الجزائريين كلا على حسب محافظته ومقدرته فعليه ان يكتب اسم محافظته والمنطقة اللى هينزة فيها اخوننا الجزائريين
**واخيرا ادعو كل اهلنا فى الجزائر الى تنظيم رحله لزيارة مصر وستجدونا اول من يستقبلكم ومصاريف الاقامه والطعام علينا ومتشلوش
هم لاى شيء بس عليكم ثمن الطيارة والباقى على الله ثم علينا ان شاء الله
وانا عن نفسى هجلكم ان شاء الله طبعا فى بلدنا الجزائر اول ما الاقى بنت الحلال الجزائرية واامل انه يكون قريب وخاصة وانى احد الاعضاء كان قد كلمنى عبر موضوعى اللى حذفته الادارة عن بنت جزائريه بها اوصاف معينه كنت اريدها ولكن على امل اكلم العضو دة مرة تانى عشان نقصر المسافات ووقتها هتكونوا ان شاء الله كلكم معزومين بس ابقوا ادعلنا بظهر الغيب
على كل حال فى انتظار اى حد يقول انا جى ان شاء الله وهنكون اول ناس فى المطار مستنينكم
السلام عليكم