[soso sirin]

والله خويا هاذا المشكل راه يصرا منو قصص و روايات و المسؤولية يتحملها كل الاطراف الاولى الوالدين تاع الطفلة انا بنتي ذرية مانخليهاش تتخطب احوجي ذروك تولي لي تخمم في السوجي تاع المات و الفيزيك و لا في العرس تاعها و زيدلها الراجل الي جا خطب الطفلة مازالها بالساكادو و راه شايفها مراة انا والله رايحين يقرمدوني و التالية الطفلة الي هي مازال تبكي على المادة الي ماخدمتش فيها و باغية تتزوج و هذا علاه لانو صحاباتها راهم كامل معولين يتزوجو.انا عارفة روحي بلاك مانقبلش و لا نكمل مانقولش كامل ايه نكمل قرايتي و منبعد ساهل نقلك حاجة خويا والله انا قريت دويا معنتها 3 سنين و كنت باغية نكمل ليسونس في هذا الوقت جا خطبني واحد بلا مانخمم اصلا فيه و لا حتا نشوفو قلت لالا لانو انا ماكنتش معولة نتزوج و زيد هاني قتلو باغية نكمل قرايتي هو واش يمحنو يستناني عامين و انا هاذي مانقبلهاش عليه و نمرمد وليد الناس معايا و زيد ماشي يقولي ايه و منبعد يرجع و يقولي لالا نديرو العرس معنتها مايهبلني مانهبلو .المشكل تاعنا حنا رانا نجرو مورا الموحال الرجل باغي يتزوج يروح يشوف وحدا واجدة و ماهمها والو الطفلة باغية تكمل قرايتها ماتقولش ايه و منبعد تبطل لانو الناس ماهمش لعبة بين يدينا ربي يهدينا