أختي حنا فالدار نديروه كيما الشاورما
نقيه مليح و غسليه و تبليه بالملح الفلفل الأسود كركم زعفران شويا كمون برك غدا حبيتي تنكهيه بمنكهات أخرى+بصل مقطع مسكرفج و طماطم مسكرفجه
بيتيه في هادا الخليط ليله
أو تقدري اديريه في الصباح و في الليل طيبيه فالفرن
بعدما يطيب قطعيه شرائح لا قطع صغيره مثل الشاورما
ملاحظه. تقدري تضيفي القليل من الماء عند الطهو باه ماينشفش و يطيب كامل على الداخل
و بعد ما تقطعيه تقدري ترجعيه للفور يزيد يحمار شويا
مدة الطبخ و المكونات عينك ميزانك على حساب الدوق
نتمنى نكون أفدتك
دعوة الخير معاك