السلام عليكم و رحمة الله تعالى و بركاته
اولا نقولك بلي شعبة الرياضيات ماهيش صعيبة و هادي صعيبة انا تاني قالوهالي
مي كي قريت و عرفت واش كاين عرفت بلي هدرتهم غي كذب المهم
و نقولك معدلاتي الفصل الاول 12,86 و الثاني 14,18 و الثالث 14,25
رغم اني لم ادرس جيدا لانو كانت عندي ظروف عائلية صعيبة و لولا هادا كنت اخذت 15 او اكثر
و نقولك اذا اخذتي دروس خصوصية في الرياضيات و الفيزياء لن ينقصك شيئ + تستفادي اكثر
و احرصي بزاف على الفيزياء ثرايها مليح و تاني الرياضيات اذا قريتيها مليح في الثانية متصيبيش مشاكل في السنة الثالثة
و نعطيك جملة من الأخطاء اللي ارتكبتها في السنة الثانية :
اولا : اهملت المواد الأدبية بشكل كبير و ركزت على الرياضيات فقط
ثانيا : لم ادرس العلوم لانو قلت معامل 2 و انا اكرهها جدا جدا و احتقرتها بشكل كبير فوجدت صعوبة كبيرة جدا وليت ندي غي ب 2
لذا نقولك عمرك و لا تحقري المواد مديريش كيما انا + مادة الاجتماعيات فهميها مليح في القسم لانو اذا فهمتي ما غاديش تلقاي صعوبات في الحفظ + الاولوية لشعبة الرياضيات في البكالوريا و اظن كل شي متاح لنا ربي يوفقك و اذا عندك اي سؤال راني هنا