الي قلتو يا خويا اصلا مايتسماش زواج راه يتقال عليه شراكة معنتها الراجل و المراة يشوف كل واحد فيهم لاخر الحل الامثل لمشاكلو سوغتو المشاكل المادية انت في رايك وحدا تروح تخطبها تولي تشرط عليك حتا واحد يحسب روحو راه رايح يموت نيشان مورا الزواج و لا نهار تدخل دارو معنتها خلاص راه كمل حياتو و لا الراجل نهاريروح يخطب يدوموندي وحدا خدامة و ني حشمة ني حيا يقولها نديك باه تعاونيني و هاذي هدرة الجياح انا في رايي .اذا انا قبلت بواحد و عارفاتو هو الي راح نكمل حياتي معاه نبداها معاه بالنية انا علاه نعمرو ديوناة قبل ماندخل الدار و منبعد حياتنا تتعمر مشاكل من هاذوك الديونات الي ماراهش قادر يقلبهم و تاني مادام انا خدامة و هو داير فيا النية راح نعاونو بلا مايقلي.المشكل في الزواج تاع ضروك النية مكانش على هكا نتزوج في الصيف و نطلق في الشتا