[قضــــــــــــ وقدر ـــــــــــاء]

المشاركة الأصلية كتبت بواسطة soso sirin

هي الاحترام هو لازم يكون سيد المواقف و مادامني انا نحترمك و انت تحترمني ماراحش يكون مشاكل مرات والله اكثر المشاكل الي تصرى تكون انو كل واحد فينا مافهمش لاخر واش راه قاصد و تبدا المشاكل مي كون ماجيناش ملاح كون والله حتا واحد مايقول لاخر سمحلي و الحمد الله حتى و يكون النقاش ساخن و تصرا مشاكل مي والله دايمن ينتهي النقاش بكلمة السماح.راني قريت الرد تاع الاخ الواثق و قالنا الي يبغي يقول واش من اعضاء مانبغوهمش يدخلو للمواضيع تاعم يقولوهم شوف يا خويا ماشي من حق حتا واحد باه يقول لاي عضو ماتحطش رد لانو اذا ماراهش باغي يدخل لموضوعو امالا مايكتبوش و يخرج اصلا من المنتدى و هو ريح و ارتاح و زيد انت علاه راك مقلق روحك انت راك مقتنع بواش راك تكتب امالا كتب واش بغيت شوف خويا الواثق انا راح نهدر وحد الحاجة و هذا تفكيري برك انا نهار قلت مانيش باغية راي الدين و كون ظهلي كنت حطيتو في قسمو المحدد لانو والله تقلقت من شي ردود مرات يا خويا تخيل انت راك كتبت موضوع على اللبسة و قلت انو كاين بنات يلبسو القصير و لا قش ماشي نيشان يدخل واحد و يقلك سمحلي خويا هاذي كامل ماشي هدرة راك ناسي بلي رانا في بلاد مسلمة علاه راك دير الفتنة و زيد ماعلابالكش بلي ربي راه حرم هذا القش انت واش راح يكون ردة فعلك ماشي تحس روحك انك بلاك ماشي نيشان و لا بلاك ماشي عايش معاهم و تولي تقول علاه انا قلت انو ربي حلل هذا الشي و علاه انا قلت بلي انا راني نايد في هاذي الافكار و زيد انا قلت اذا حلال و لا حرام يا خي هذا الشي راه كاين في مجتمعنا.ان شاء الله تكون الفكرة وصلتلك خويا الواثق معنتها انا باغية نقولو انو صح الشي الي راه في المجتمع كاين منو مانهربوش من الواقع و منبعد اهدر واش راك باغي تقول ان شاء الله تكتب مليار رد و تكون كامل استنادا للدين و الشرع لانو مكانش الي راح يقلك علاه لانو كلام ربي ماشي كلامك.و زيد خويا انا ماذا بيا تدخل لمواضيعي و تحط ردودك لانو والله كلامك يعجبني ان شاء الله تكون الفكرة تاعي وصلاتك

السلام عليكم
نعم الاحترام هو الأساس
أخي الواثق واثق من كلامه وما يقوله وبالتالي فهو عبر عن استيائه فقط لكن قلبه أبيض أنا متأكد أختي سوسو
والله تدخلاته مفيدة وأبدا لم أره قلل أدبه مع أحد
ونحن كلنا هنا نعكس أخلاقنا وتربيتنا وأسرنا وبالتالي نختلف لكن لا نحقد على بعض
الواحد منا يكمل الآخر لبناء منتدى راق بأعضائه وأفكاره
ربي يحفظك وشكرا على صراحتك تحياتي