[قضــــــــــــ وقدر ـــــــــــاء]

المشاركة الأصلية كتبت بواسطة soso sirin

والله خويا هذا الموضوع و لا يقلق و تاع الصح انا والله كرهت من زوج كلمات في هذا المنتدى و مع اسف استعملتهم حتا انا في ردودي باه مانكذبش المثالية و لا تتحدث باسم الدين شوف خويا بانه نصيبو حل لهذا المشكل لازم صاحب الموضوع يدير في بالو بلي راح تكون ردود تخالفو في الراي و هو لازم يقبل اي رد لانو الاختلاف نعمة مي حنا رجعناها نقمة و لازم على الي يدخل اي موضوع لازم يرد في حدود و لازم اذا كان ردو مخالف لصاحب الموضوع يعرف كيفاه يوصل الفكرة ماشي يهاجم صاحب الموضوع.مشكلتنا خويا تخيل راك كتبت مشكل يدخل واحد و بكل وقاحة سمحولي على هاذي الكلمة يقلك هاذي مكانش كامل منها و هاذي هنا بسيف تقول عليه انو مثالي و لا عايش في بلاد غير بلادنا تاني تلقاه يهجم على صاحب الموضوع و يخلي الموضوع و مرات صاحب الموضوع يحكي على الموضوع و مايقولش حتا رايو اذا كان معاه و لا ضدو و كاين شي ردود والله واحد كون مايشدش روحو ماتعرف كامل واش راح تجاوبهم.تاني الي يهدر باسم الدين و الشرع حنا كامل رانا مسلمين و متاكدين انو لا كلمة تعلو على كلمة الدين مي خويا كاين اسلوب مليح تقدر توصل بيه الفكرة تاعك مي باه تحسس صاحب الموضوع انو هو ماشي مسلم هكا والله بزاف الحمد الله رانا كامل مسلمين و اي شخص راح يقبل راي الدين و بسيف عليه و مايهدر حتا كلمة و لا يعلق مي الاسلوب خويا هو الصح باه صاحب الموضوع مايحسش روحو انو راه منافق و لا ماشي نيشان..خويا راني رديت بلخف منبعد ان شاء الله نرجع و نكمل هدرتي

السلام عليكم
شكرا لمرورك أختي سوسو سيرين
وبالتالي كلنا نركز على ضرورة الاحترام وأن نضع في حسباننا
أننا هنا لنتعلم ونستفيد من بعضنا البعض لا أن نختلف اختلافا غير محمود يتعدى مستوى النقاش
وفي الحقيقة بعض التدخلات للأسف تأخذ الموضوع إلى منحى آخر غير الذي وضع له
وهاته الظاهرة كثيرة في المنتدى
شكرا لك تحياتي