[نجمة ساطعة]

سلطة الخضر (( مفّورة ))

المكونات :
جلبانة
جزر
بطاطا
بيطراف
بيض
خل+ زيت + ملح
الأداة .....

الطريقة :

نفوروا الجلبانة و نخلوها تفور مدة 10دقائق ...هاذ الوقت ننظفوا الجزر و نخرطوا القشرة اللي لفوق
و نقطعوه قطع صغيرة بعدها نزيدوه للجلبانة و نخلوه عشرة دقائق ثانية في هاذ الوقت نقشروا البطاطا
و نقطعوها قطع صغيرة و نرموها فوق الجلبانة و الجزر و نخلوها حتى طيب و نطفوا النار
و البيطراف نكونوا طبخناه و صفيناه و قطعناه قطع صغيرة .... كذلك نطبخوا البيض و نقطعوه قطع صغيرة
و في وعاء كبير نوضعوا كل المكونات و نضيفولهم خليط الزيت و الخل و الملح (( كاس خلي بزوج كيسات تاي زيت
و شوية ملح )) و تحطي السلطة في الثلاجة و بعدها تأكلوها بالصحة و الهنا