مساء الخير اختي بالنسبة لمفرش السرير تحتاجي 10 متر من قماش الساتان روايال
تقسميهم كالتالي
4م
4م
2م
4 م و4 م تلصقيهم في بعض على الطول تولي عندك قطعة 3متر عرض في 4 متر طول
ترسمي الباترون على وجه القماش بمربعات نتاع 5 سم
وتخلي حوالي 10 سم ساير داير
ولما تكملي العمل نرجعو ل2 متر لي خليناها
تقسميها شرائط نتاع 50 سم عرض تتحصلي على 3 شرائط بطول 2 م وعرض 50 سم هاذم تعملي بيهم الكشكشة ساير داير
اما عن المفرش الصغير لي يجي من تحت انت حرة في اختيار الابعاد
المهم القماش ينقص للنص في عمل الياسمينة
يعني البعد لي حابة تتحصلي عليه اضربيه في 2 واستعملي القماش لانو بعد العمل ينقص للنصف ويرجعلك بالبعد لي حاباتو
بالتوفييييق