شكرا لكن أخواتي على هذا الموضوع القيم
أول مرة نتصفح هاد الموضوع و هو حقا مفيد للعروسة الجديدة و القديمة
الأخوات اللي رايحين يسكنو وحدهم عندهم فقط مشكل الضياف و ناس الدار لما يزوروهوم و لازم يهيو روحهوم لأن أغلب أفراد عائلة الزوج يجيو بطريقة مفاجئة يعني العام الأول ديما لازم تكوني مستعدة و ديري روحك أنك منظرة زيارة في أي وقت
أم الأخوات اللي يسكنو مع العائلة فكل واحدة تحضر روحها حسب عادات المنطقة
كاين العائلات اللي يطلبو من العروسة الجديدة تحضر الكسكس و كاين البركوكس يعني تفتلو ماشي برك طياب
كاين اللي يطلبو منها تحضر الخفاف أو المطلوع أي حاجة فيها خميرة
يعني ما شي أنتوما اللي تقترحو واش طيبو و إنما هوما يقولو لك ديري هاديك الحاجة
أنت فقط في البداية تدخلي مثلا تريحي معاهم في الكوزينة و تلاحظي كل شيء طريقة العمل طريقة الطبخ و طريقة التقديم هاكا تكون عندك فكرة
أول طياب بزاف صعيب و لكن من بعد توالفي
ربي يهنيكم كامل