[lahna moka]

قطع سكالوب داند أو جاج في الفرن
الراااائعة ريهام

نحضرأولا الحشوة

نفور شوية سلق ألي يكون منقي و مقطع و مغسول كما تقدري تفوريه أوراق و كي يطيب قطعيه لكي الاختيار

قلي حبة بصلة صغيرة مسكرفجة مع 2 فصوص ثوم في شوية تاع زيت أو خليط زيت مع زبدة مع التحريك بعدها زيدي السلق لمفور و قلي مليح و رشي الخليط بالملح و شوية فلفل أكحل و خليه فوق النار حتى ينشف من السائل ألي فيه بعدها طفي عليه

وجدي خليط فيه حبة بيض + فص ثوم مرابي + قرصة ملح + قرصة فلفل أكحل و بض قطرات خل حوالي نصف ملعقة قهوة و خلطيهم بالفرشيطة

أحكمي قطع السكالوب ألي عندك و رمديهم بخليط البيض من الجهتين و نقطريهم بيدك من زائد تاع البيض

فرشي كل قطعة على طاولة العمل و ديري كمية من الحشوة تاع السلق في طرف من القطعة و بعدها أغلقي القطعة ديالك كما نعملو البوراك و احكمي كل قطعة بكيوردون أو بيك فروي واحدة فقط

أدهني صحن الفرن بكمية مليحة من المارغرين و بعدها ستفي قطع السكالوب في الصحن الغلقة تكون للتحت و زيدي حطي حوالي ملعقة قهوة تاع مارغرين طرية فوق كل قطعة

دخلي الصحن في الجهة الوسطى للفرن ألي يكون مسخن مسبقا على 200 درجة راه ما يديش وقت في الطياب يحمار من تحت ثم أشعلي الفرن من فوق و اذا نشف شوية من المارغرين زيديلو ما تخافيش بعض القطع من المارغارين راه اجي روعةةةةةةةةةةةةةةة

كي يطيب تخلصي من الكوردون و قدميه

و بصحتكم

ملاحظة

• تقدري تزيدي كمية من اللحم المفروم تاع جاج أو داند أو لحم أحمر لحشوة السلق

• أو تضيفي قطع من الجبن في وسط الحشوة

بالصراحة بالنسبة لي نحبو هكذا سامبل

• تقدري تسوتي الخضر كما اللوبيا الخضراء أو بطاطا و جزر في ليدام تاع قطع السكالوب بعدما يطيب أو تقدميه مع أي نوع تحبيه من العجائن

إضغط هنا لرؤية الصورة بحجمها الطبيعي.

لا حول ولا قوة الا بالله العلي العظيم