حبيباتي لقيت هذه الوصفة على الانترنت وجربتها وعجبتني وعجبت العائلة ونقدمها كدسير او تحلية او مع القهوة كما نحبو
ان شاء الله تجربوها وتعجبكم لأن مذاقها خطير
المقادير
الطبقة1
4بيض
2كاس سكر
2كاس وربع فرينة
4ملعقة فانيليا
300 غ زبدة ذائبة انا درت 250غ
4ملعقة صغيرة خميرة كيميائية
6ملعقة كبيرة كاكاو
كأس وربع ماء ساخن ماشي مغلي
الطبقة الثانية
150غ زبدة طرية
300غ سكر قلاص
4ملعقة صغيرة فانيليا
4ملعقة كبيرة حليب سائل او 75غ شكلاطة بيضاء
بواسطة الباتور نخلط مليح المقادير حتى تتشكل لدينا كريمة نحطها في الثلاجة
الطبقة الثالثة
200غ شكلاطة
مغرفة كبيرة نيوتيلا اذا ماتوفرتش معليش
شوية زبدة
نحط الكل يذوب في بان ماري ولازم تكون باردة
طريقة التحضير
نسخن الفرن على 170درجة
نخلط المواد الجافة كلها مع بعض
نذوب الزبدة ونخليها تبرد
نضرب السكرو الفانيليا والبيض جيدا
نضيف الزبدة للمزيج
نضيف المواد الجافة اللي هي و الفرينة والكاكاو والخميرة الكيميائية
نضيف شيئا فشيئا الماء الساخن وليس المغلى
ندهن مليح المول23 في 34سم ونرش الفرينة فيها ومن بعد نزيل الفرينة الزائدة ونضع ورق الخاص بالمطبخ فقط في الاسفل
نطيبو لمدة 35حتى 40 دقيقة
نخليه يبرد مليح من بعد نحطو بحذر في صحن واسع باش نحط الطبقة 2
انا كبرد رجعتو في المول اللي طاب فيه باش تتسهل العملية2 واللي هي اضافة كريمة الزبدة فوق الطبقة
في الاخير نحط من فوق الشكلاطة الذائبة
نحطها في الثلاجة
عندما تبرد الشكلاطة نعمل خطوط من الشكلاطة البيضاء من فوق او زينيها بفرميسال الشكلاطة
وكل واحدة وطريقتها في التزيين على حسب ماهو موجود في البيت
الوصفة هايلة نتمنى جربوها
دعواتكن ان شاء الله
