[أم ضياء عبد الرحيم]

البسملة1
كيما و عدتكم البارح اليوم جبتلكم وصفة البيشاميل رول و الميني بطبوط
اول وصفة البيشاميل رول هزيتها من عند اسامة السيد حوست على الفيديو في يوتوب باه نحطو مالقيتوش اذا حبيتوا تشوفوا الوصفة اكتبوا في يوتوب بشاميل رول - الجزء 1 - الشيف اسامة السيد راه كاين 3 اجزاء
المقادير
2 م ك زبدة
3 م ك فرينة
كوب و نصف حليب
5 صفار و 2 بياض
جبن مبشور
1 م ص ملح
جوزة الطيب
الحشو
حسب الرغبة تقدري اديري طماطم مشوية او يا خضر المهم تكون مشوية
جبن و كاتشب
سبانخ سالامي او ديك رومي مدخن او باتي
ماييس
انا هنا استعملت ديك رومي مدخن لكن محبش يدور في الكيك جا شوية خشين على هذا قطع الكيك جات كبيرة كي تستعملو استعملوا قطع رقيقة و طرية باه الكيك يدور مليح و يجي قطع صغيرة

نقوم باعداد البيشاميل كالعادة كي تبرد شوية نضيفلها الجبن المبشور و الصفار و الملح و جوزة الطيب
نطلع البياض بالمضرب حتى يصبح متماسك كالثلج و نضيفو للخليط الاول بالشوية و نديروه في صينية و يطها مدة 30 او 35 على درجة 180
كي يخرج نقلبوه في ورق طهي آخر ندهنوه بخليط الجبن و الكاتشب ثم نحط السبانخ
هنا درت سبانخ مجمد مليح كون يكون طازج تاه الورقة تتحل مليح و الماييس ثم ديك رومي مدخن و نروليو كيما في الصورة و نخليه في الثلاجة حتى يتماسك و نقطع
نتمنى نكون وفقت في الشرح























الوصفة الثانية ميني بطبوط
المقادير
250 غ دقيق رقيق
150 غ فرينة
م ص ملح م ك خميرة حوالي 300 ملل ماء دافئ
الطريقة نعجن عجينة عادي كي تاع المطلوع نفردها بالحلال و نقطع دوائر نخليها تطلع ساعة الى ساعة و نصف لازم نفرشلها الفرينة باه ماتلصقش و طيبها في مقلاة و نحشيها حسب الرغبة انا هنا درت جبن و تونة و زيتون مقطع رقيق و ماييس و تقدري تبشري جزر انا مكانش عندي