[حفيظة42]

الغابة السوداء هي كيكة ألمانية مكونة من جينواز الكاكاو وكريمة الشانتيلي وحب الملوك وتزين بالشكلاطة المبشورة أنا عملت تغييرات على الوصفة الأساسية وخرجتلي ذوق رااااااااائع نتمنى منكم تجربوها
أضفت تغييرات على عجينة الجينواز حتى تصبح تشبه لعجينة الموسكوتشو وأضفت كريمة الزبدة لكريمة الشانتيلي مع العلم أنكم تقدرو تستغناو عليها وتعلموها بكريمة الشانتيلي فقط
أنا ما شربتهاش لأنه جاتني مندية وكل واحد وذوقو لي حبت تشربها تشربها

مقادير الموسكوتشو:

6 بيض
250غ سكر
2 أكياس خميرة كيميائية
2 ملاعق أكل كاكاو
عطر الشكلاطة
كاس زيت
200غ فرينة

التحضير:

يخفق البيض والسكر بالخلاط الكهربائي جيدا حتى يذوب السكر

ونضيف الزيت مع الاستمرار بالخلط

نضيف عطر الشكلاطة أنا هذا هو المكون السري نتاعي

نخلط الفرينة مع 2 ملاعق كاكاو نضيف الخميرة للخليط

نسير الفرينة فوق الخليط ونخلط حتى نتحصل على خليط متجانس

في قالب الفرن أنا عملت ورق الزبدة في القاع ودهنت الأطراف بالزيت ورششتها بالفرينة

نفرغ الخليط في القالب

وندخلها الفرن مدة 25د على درجة حرارة 180° نتركها في القالب حتى تبرد

تحضير كريمة الزبدة:

350غ سكر ناعم
كاس ماء
كاس زيت
250غ مارغرين

نخلط السكر الناعم والماء والزيت بالخلاط الكهربائي ونضيف المارغرين مقطعة إلى قطع ونستمر في الخلط بالخلاط الكهربائي حتى يعقد الخليط ونتحصل على كريمة الزبدة

تحضير كريمة الشانتيلي:

نخلط 100غ شانتيلي مع كاس حليب باااااااااااااااارد حتى نتحصل على خليط شانتيلي

كريمة الزبدة وكريمة الشانتيلي

نخلط كريمة الزبدة مع كريمة الشانتيلي حتى نتحصل على كريمة خفيفة

نقطع حبات كرز على اثنين وننزع نواته ونحتفظ ببعض حبات الكرز كاملة

بمساعدة الكوردون نقطع الموسكوتشو على أربعة

نطلي بينهما بكريمة الزبدة ونضع حبات الكرز المقطعة حتى نكمل القطع الأربعة ونطلي كامل سطحها بالكريمة

ونذر عليها الشكلاطة المبشورة

نزينها بكريمة الشانتيلي وحبات الكرز