المقادير
2كاس كوكاو مرجي
1 كاس خبز يابس مرحي
1و1/2 كاس سكر عادي
قشور قارص كمية معتبرة
فاني
3 بيض
حوالي ملعقة زبدة طرية نضعوها فى أخر مرحلة
نبداو على بركة الله
أولا انا الكوكاو دايما ندخلو للكوشة شوية باش تتنحالو هاديك الريحة القاسحة اللي فيه ويبقى أبيض
أرحيه كيما اللوز نتاع مقروط اللوز نضيفلو باقي المواد بعد اللي تتحصلي على عجينة هاديك القطعة نتاع الزبدة أخدميها بين اصباعك و حاولي تدخليها فى العجينة
بعد هادا ديريها فى كيس بلاستيكي وخليها ترتاح على الاقل 3 ساعات
أنا نخليها ليلة كاملة فى الثلاجة
بعد دلك أبسطي العجينة بسمك 1,5 سم وشكلي أشكال كيما تحبي
هاداك الوقت أشعلي الفرن انا دايما عندي 180 درحة
طيبيه كيما الصابلي عادي وخليه بيرد
وجدي القلاصاج
القلاصاج
بياض بيضة + عصير قارص وحركي بكف اليد فقط مليييح + م ك زيت + 2 الى 3 م ك ماء الزهر فاني + ملون أبيض نتاع الميزان blanche neige + سكر رطب وراكي دايما تخلطي بيدك حتى تتحصلي على عجينة
ادا كنت من محبي القارص اممممممممممممممممممممممم ضيفي القارص حتى تتحل العجينة وزيني المخبز
ادا ماكيش من محبي القارص ضيفي ماء الزهر لكت ماشي بزاف هاد الكمية متحتاجش حتى فنجان ماء الزهر لانو كي تكثري ماء الزهر يجيك القلاصاج يابس
هاهي الصورة النهائية
]