السلام عليكم
كل واحد وعلى حساب المنطقة نتاعو يحضر الشكشوكة
نعطيك وصفة :
طماطم مسكرفجة وثوم تحطيهم يتقلاو في شوية زيت
ممبعد تضيفيلهم فلفل مشوي مقطع قطع صغيرة وتخليه يتقلى معاهم
وتحطي ملح
كي تبدا تنشف ديريلها غير شوية ماء
ومتنشايش العكري
كي ينشف الماء
ضربي حبة بيض بالشوكة وأرميها على الماكلة وخلطي
دقيقة من بعد اللي تحطي البيض طفيلها
وكاين اللي في مكان الثوم يديرو البصل
لكن أنا نظن بالثوم رايحة تكون أحسن
وإذا درتيلها راس فلفل حار أو هريسة رايحة تكون لذيذة