[أم هبوبة]

السلام عليكم
هده وصفة كنت كتبتها من واحد المنتدى و راني معولة نجربها اليوم و قلت نحطها ممكن الأخوات يستفيدوا منها وهي وصفة تشبه الملوي إلا أنه معمر.
المقادير :
نفس كمية الفرينة نضع سميدة رقيقة من النوع الممتاز
الملح
خميرة الخبز و الماء

نعجنه جيدا و نتركه يرتاح ربع ساعة و من بعد نشكلوه كريات صغيرة و نتركها ترتاح . و ندهب لتحضر الحشو

المقادير

بصلة مقطعة صغيرة و كفتة و الملح و الحرور و شوية فلفل احمر حلو نتركهم ينضجوا حتى تدبل البصلة و تطيب الكفتة و نظيف المعدنوس مقطع رقيق و زيتون مقطع و شعرية صينية مقطعة الي نحطوها مدة 05 دقائق في ماء غليان حتى ترطاب و نصفيها .

نرجع للعجين نطلقه على شكل مستطيل بخليط من الزيت و الزبدة نضع الحشو و نلف مثل السيقار كما توضح الصورة المرفقة و نكمل باقي العجين بهده الطريقة.

نرجع إلى الحبة الأولى إلى عملناه تكون قد ارتاحت نضغط على الجوانب و نوقفها و نبسطها باش نتحصلوا على ملوية دائرية و هكدا نضمن أن الحشوة غتعمر كل الملوية و بالتساوي و نطيبها في مقلة الملوي مرشوشة بمسحة خفيفة من الزيت حتى تتحمر

سمحولي طولت في الشرح لكن أردت أن أشرح الكيفية حتى يتسنى للأخوات فهم الطريقة
و قدميهم بالصحة و الراحة .