جربت ديول الاخت الصوامعية جاااوني هااااااااااااااااااااااااااااااااااااااااااااااااا يلين هااااايلين يعطيها الصحة انا كنت نديرهم بالفرينة برك بصح بطريقتها جاو مقرمشين بصح درت تعديل في الوصفة انا استعملت ربعة كيسان ماء وجاوني خير من الورقات الي كنت درت تلات كيسان مل وشوي....وزيد نعطيكم سر يخلي الديول ديالكم يقعدو طرايا وما يتكسروش كي تكوني رايحة تطويهم ...كي تطيبي ورقة الديول حطيها فوق سربيتة تكوني غطستيها في الما وعصرتيها مليح يعني تولي مندية وحطي هاد السربيتة المبللة فوق سربيتة ناشفة وكي تحطي ورقة الديول ديالك فوق المبللة غطي عليها تان من فوق وكل ما تطيبي ورقة ديول حطيها من تحت الورقات السابقين يعني تكون الورقة الجديدة هي الي فوق السربيتة المبللة والورقات الباقيين فوقها باش كل واحدة تاخد نصيبها من الندى الي في السربيتة وهكدا يقعدولك طرايا وما ياكسروش
ودرتهم بوراك
الحشو درت فيه
بطاطا مغلية ومهرسة
لحم مرحي قليتو في شوية زيت مع بصلة مسكرفجة + راس فلفل حار مقطعة قطع صغار + شوية معدنوس + ملح وفلفل اسود
بعد ما بعدتهم على النار ضفتلهم زيتون اسود مقطع وادا تحبي الاخضر + قطع فرماج انتي والرغبة ديالك وقطعت معاهم قطع طماطم صغيرة جداااا
يعطيك الصحة اختي الصوامعية على الكيفية