السلام عليكم ورحمة الله وبلاكاته
موضوع مهم جزاك الله خير حبيبتي انا راص الحانوت كنت نشريه بصح ملي لقيت فيه فضلات الفئران وليت عمري مانشري من الراص الحانوت مخدوم المهم انا نشري كمية كبيرة راص الحانوت ونقيها من الحجر وكل شيء تراب اقصب وانسيرها ايطيح كلش يقعد غير راص الحانوت انقي امبعد هاذي اختياري انا شوية موسوسة نغسلو بشوية ازيس وانشلو وانخليه ينشف مليح امبعد انحطو في السنوة وانخليه ينشف فوق البوال تاع القاز وانرحيه صافي مانديرلو والو يعني راص الحانوت يكون صافي
وكاين الي يضيفولو اديرو راص الحانوت ومعاه شوية حبة البسباس وكروية ووريقات رند يعودو يابسين ويرحوهم وشوية قرفة ماتكثريش ويرحوهم كاملين ويعود راص الحانوت امخلط ايجي في الطعام وبركوكس انشاء الله انكون فدتكم