[بصيرة2]

اخواتي في قسم الطبخ وانا منهن
انا مانيش رايحة نتفلسف او نكثر الكلام
شفت بلى رانا في كثرة ماشاء الله لذلك قلت كل وحدة تدخل هنا وتدعي لبلادنا
على بالكم رانا داخلين فترة حساسة هاذ اليومين لذلك لازم علينا نمدو ولو دعوة لهاذ الوطن الغالى ونطلبوا ربي سبحانه يطفي نار الفتنة ويحط الرحمة في قلوب المسوولين يرفقوا بهاد البلاد ويعمي علينا عيون الخونة واليهود والحاسدين ويلم شمل كل الجزائريين كبير وصغير شرقي او جنوبي وشاوي او قبائلى الكل نكونو يد واحدة في وجه الى رايح يمس بامن واستقرار هاذ الوطن الغالي اكيد رايحين توافقوني
انا مانيش نهدر في السياسة ما نفهمها ما نحبها انا نهدر على بلادي حبيت تدعيولها ربي يسترها ويعدي هاذ الايام بخير وعلى خير ويجيبلنا الى فيه الخير
اذن اخواتي لازم علينا نهار الخميس نصوموا فيه وندعيو ربي يستر بلادنا
اتمنى توافقوني ونكونو نهار الخميس الجميع صائم يوما لله ولهاذا الوطن