هذا المقروط جابتولي سلفتي يعني اخت زوجي
وكل من ذاقو عجبو بزاااف وطلب الوصفة.....مالا قلت نحط الوصفة هنا باه كامل تجربوه
اولا النقادير:
كيلة مرغرين ذايبة وباردة
كيلة زيت
كيلة ماء الزهر
سميد رقيق ورطب لازم يكون رطب
خمارة تاع قاطو من الاحسن نوارة
وللحشو: تمر مفور ومعجون مليح مع الجلجلان
الطريقة:
نأخذ قرعة تاع قازوز فارغة ونقية نحطو فيها المرغرين والزيت و ماء الزهر
تم نرج جيدا حتى يصبح المزيج ابيض كالحليب
ثم نصبه في صحن عميق تم نضيف له الخمارة تم نبدأفي اضافة السميد الرطب
بالتدريج مع الخلط حتى نتحصل على عجينة
نشكل كريات صغيرة ونحشيها بالتمر ثم نضعها مول تاع القنيدلات نضغط جيدا ثم ننقشها من فوق
وندخلها للفرن ومن بعد ما تطيب نحها من لي مول ونعسلها بعسل خاثر شوي وبارد وهذا شكلها النهائي
راني حاولت تحميل الصور مي معرفتش الخلل وين لكن الاخت لينا حملتهم راهم في الصفحة الثانية