[نسائم الهدى]

سلام

الله اكبر

الله اكبر

الله اكبر منكم يا معشر الرجال

في يوم ما كنت صاحبة العقل الراجح و الاخلاق الكريمة فقط لان ما اخطه في ردودي يوافق افكاركم و هواكم

لكن بمجرد ان كتبت ما يزعجكم و ما يظهر جانبكم الاسود اصبح مستواي منحدر و نصيحتي غلط و تسبب خراب البيوت صح؟؟؟

و زيد شكون قاللكم بلي عندي مشكل مع زوجي؟؟؟؟؟

انا راني ضيفة في دارنا و زوجي كل يوم يعيطلي او نعيطلو انا

و داااااائما لا ينام حتى يسمع صوتي و يتحدث الي نصف ساعة على الاقل

و لكن كون زوجي عاقل و يحبني و يعزني ما يعنيش انو ما راحش يجي نهار و يخدعني

صح انا متهليا فيه و قايمة بيه و اعطيه كل حقوقه و قايمة بكل واجباتي و لكن هدا ما يعنيش اني عايشة بيه و بلا بيه نموت لالا

من دركة معودة نفسي بلي هو شريكي و ادا تفاسكنا و فضينا الشراكة نقدر نعيش ا نكمل حياتي كيما كنت قبلو

مي في الحقيقة المشكل ما هوش في زوجي لانه طيب و حنون و متحمل هبالي و عقدي و متفهمني لاقصى درجة و صبره ما له حد

كيما يقولو السوريين // يقبرني ان شاء الله، يطلع على قبري ان شاء الله، يشكل آسي ان شاء الله // كلها دعاوي متعلقة بكوني ارجو من الله ان اموت قبله ان شاء الله على الاقل قبل ما نكبر و يكره مني و من وجهي

بعضكم بارك الله فيه انتبه إلى انني غاضبة

لا انا لست غاضبة

انا حانقة و حاقدة و بداخلي بركان يغلي حتى ان ضغطي لم ينزل منذ 4 ايام 15/10 أو 16 /10

احس بان اضلاعي تضغط على قلبي

طيلة الليل ارى كوابيس حتى انني اخاف ان انام

كان من الممكن ان اكتب هذا الموضوع في قسم خاص بالنساء و لم اكن لاهاجم هكذا كانت هناك من ستنصحني و هناك من تدعو لي

لكنني كتبته هنا ليقرأه الرجال كنت اريد ان اجد واحد ولو واحد فقط يقولي :

كيما كاين في النسا المليحة و الدونية

كاين في الرجال المليح و الدوني

مي انتوما لالا شايفين روحكم و كل بني جنسكم ملائكة

و شايفين كل النسا شياطين و بلايسة و ما فيهمش الخير

مي راكم غالطين و غالطين بزاف

حسبنا الله و نعم الوكيل في كل من يظلم ولية مقهورة مكسورة مغبونة باسم حق القوامة