اقتباس:
المشاركة الأصلية كتبت بواسطة بقلاوة
اللي في الصورة يا اختي ام انس ماهيش شخشوخة اولاد دراج يبدولي انها شخشوخة لبساكرة اللي تجي بالمسمن او لفطير كيما نسموه اما شخشوخة ولاد دراج تجي بالشواط اي كسرة رقيقة و لا اقصد بالشواط شواط عين وسار ة اللي هو مسمن مقلي، على فكرة راني دراجية حرة و الشخشوخة من اختصاصي و ممنوع منعا باتا أن ينازعني أي شخص هذا الاختصاص الأصيل، كاش نهار نطيبهالكم،و نعرفكم بيها
|
صباح الخير عزيزتي بقلاوة أعجبني أسمك ماشاء الله عليك
و كذلك أعجبني فيك روح التحدي وجملتكي هذه .....على فكرة راني دراجية حرة و الشخشوخة من اختصاصي و ممنوع منعا باتا أن ينازعني أي شخص هذا الاختصاص الأصيل،....... أعجبتني ثقتكي في نفسكي كثيرا المهم :
حنونة لي حطيت صورتها شخشوخة مسيلية حرة نتاع المناسبات كيما العاشوراء و المولد النبوي و الأعراس و الأعياد الأخرى تجي بالرقاق أو كيا نسوموه المريش و هذا صورته
و نعملو مرق باللحم أو الدجاج و تجي مدوزية مليح و حارة و حمراء و هذي هي
و كاين عندنا شخشوخة أخرى نتاع الأيام العادية تحضر خاصة يوم الجمعة شواطها ييجي شوية خشين و طايب مليح كاين لي يشوطو بالماء و الزيت أو الزيت وحده و نعملوه إما بالدقيق القمح أو العادي أو بالشعير أي الرغدة كاين لي يطيبها باللحم أو بلاه للي ماعندوش و هذه هي نطيبو مرق تاعها عادي و الشواط تاعها كيما شرحتلك ثم عند التقديم نغليوها في المرة لدقائق فقط ثم تقدم ساخنة على القصعة مباشرة و هاهي
حنونة هاذو هما شخاشخنا ماكاش وحدو أخرين و عمري ماسمعت بلي الشخشوخة تجي بالشواط المقلي