اليوم جبتلكم طبق سهل جدا بسيط جدا ولذيذ جدا
اسكلوب بصلصة الجبن والشومبينيو
اولا اعتذر لاني ماصورتش المراحل
ثانيا تحضري شرائح اسكلوب على حسب اعداد افراد العئلة
تقليهم في كمية قليلة جدا من الزيت وتحمريهم مليح
وفي نفس الوقت في طاوة تحطي كاس حليب ملعة كبيرة جبن باربار او اي جبن للطلي وتحركي حتى يذوب الجبن
ك تشوفيه بدا يعقد رابي عليه كمية قليلة من جبن القريار وجوزة الطيب وقرصة ملح
وحركي مليح حتى يتجانس الخليط
صفي الفطر او الشومبينيو وشلليه وصفيه وحطيه على الصلصة في هذا الوقت يكون الاسكلوب تاعك راحو طايب تنحيه وتحطيه فالطباسا وتفرغي الصلصة في المقلا لي قليتي فيها الاسكلوب خلطيها شويي باه تدي بنة القليان ثم فرغي في كل صحن كمية من الصلصة فوق شريحة الاسكلوب
ممكن تضيفي معاهم بطاطا مقلية وحدها باش تجيك زاكية
