[مياسم الصمت]

المشاركة الأصلية كتبت بواسطة daif_etbh

السلام عليكم اخواني موضوع رائع وبارك الله في صاحبة الموضوع ربي يجازيك كل خير انا امراة واستعملت عضوية زوجي اختي حابة نقول كل شئ بقدر الله انا تزوجت منذ سنتين والحمد لله حملت بعد اشهر وكان حملي عادي كيما قالت الطبيبة لي كنت متابعة عندها هي مصيبة مش طبيبة في الحقيقة في الشهر الخامس بدا يجيني ضغط الدم ونقولها تفولي عادي نهار وقت الولادة نتاعي روحت عندها مالقيتهاش كانت في الخارج روحت للمستشفى وزيدت بصعوبة طولت مازيدت وكي زادت الطفلة مازهقتش كان عندي امل انها تعيش لانو سمعت بزاف لي صرالهم هاكذ ماكنتش متخيلة انة راح نعيش اسوا ليلة في حياتي وحياة عايلتي بعد ما زيدت وكملت وداروني في السرير كانت معايا اختي كي شافتني عيطت للممرضة قالتلها هاد مش دم نتاع النفاس والله العظيم غير شوفت الموت صرالي نزيف حاد بعدها دارولي عملية باه يحبسوا النزيف في هاديك الليلةكامل اهلي تجندو باه يتبرعو بالدم باه يحبسو النزيف والحمد الله خرجت باعجوبة كيما قال الطبييب قعدت سبعة ايام فالكومة وبنتي الغدوة وماتت وانا خرجت حية بصح ماخرجتش كيما ادخلت والحمد لله راني عايشة ومافقدتش الامل برب العالمين وان شاء الله ربي مش راح يخيب املي فيه والحمد لله زوجي واهلي معايا ماخالاوش الشيطان يلعب بيا كي نتققلق نتفكر نقول بزاف من النساء فاتو الربعين وماتزوجوش نقول الحمد لله تزوجت وحملت وهاد ماعطاني ربي وفي الاخير نقول لكامل الازواج ربي يزوقهم ولا يحرمهم ويحرمنا من الذرية الصالحة يارب املنا فيك يارب وحاجة اخرى باه تعيشوا متهتموش بكلام الناس وربي يرزقنا ومايحرمناش.

والحمد لله على ما أعطى

والحمد لله على ما منع

ولا يسعنا غير الرضا والشكر والدعاء له سبحانه وتعالى

اللهم ارزقنا نعمة يعجز الشكر عنها
ولا تبلنا بلاءا يعجز الصبر عنه


ربي يرزق كل مؤمن

سلام