دائمة الحمد غاليتي المعمول وصفة ام رامي مممممم يذوب الفم
الهام تفضلي وصفة الكيك مازايد فيه والو بصح جربيه و الله على ضمانتي ما يجيكش ناشف
كاك:
4 بيض_ 1 كأس سكر_نصف كأس حليب_1 كأس زيت_ 2 كأس فرينة_ ملعقة صغيرة فانيلا_ 1 كيس خميرة_مبشور ليمون.
التحضير:
اضربي مليح مليح البيض مع السكر و المبشور ثم زيديلها الحليب و الزيت و الفانيلا و اخلطي ثم الفرينة و الخميرة المغربلة أعيد و أكرر المغربلة,
خلطي كلش باش تختفي الفرينة فقط ما تبالغيش في الخلط هاذا هو السر,
بعدها صبي المزيج في مول الكاك المدهون والمرشوش بالفرينة و ديريه في الفرن حتى يتحمر.
كي يخرج من الفرن ادهني الوجه بالمربى و زيني بالكاوكاو او جوز الهند و خليه يبرد
انا نحبو كي يبات يزيد يطرى كثر مممممممم ما يتشبعش
جربيه و رديلي بالخبر
هاذي صورتو
نصائح:
_دائما في كل أنواع الكيك لازم تغربلي الفرينة قبل اضافتها مباشرة لأن هاذا يساعد على ادخال الهواء اليها و بالتالي يعطي هشاشة للكيك تاعك.
_كي تضيفي الفرينة لازم تخلطي قيس ما تختفي الفرينة فقط ما تبالغيش و الا ستحصلين على كيك معجن غير هش.
_حرارة الفرن لازم تكون عالية عند ادخال الكيك و بعدها تنقصيلها.
_ اذا شفتي الكيك تاعك تحمر بزاف من الفوق و الداخل مازالو غير ناضج ماشي مشكل غطيه بورق آلمنيوم و خليه يكمل طيابو
بالصحة و الهناء