[خيط الروح]

علابالي كامل كي ندخلو المطبخ * خاصة في رمضان * نبداو نبدعو ونختارعو و نتفنو حتى نغرقو

هاذو طيابت ...هاذو حلاوي ... والراس يكون يخدم في نفس الوقت _ نطلعو و نهبطو_

والوقت يجوز ويجوز..... امالا كيما قالت امي الله يرحمها : لحديث والمغزل

يعني اليد تخدم والفم يخدم ...... رانا نخدمو في شغلنا وماننساوش الاذكار والاستغفار

فكرة بسيطة رانا نشرو كل عجب لتزيين المطبخ .. وكذلك باش نعاونو روحنا على الذكر يمكن نكتبتو بعض الاذكار و الادعية ونعلقوها في المطبخ (على الثلاجة او في جنب خزانة المطبخ او نوزعوهم في عدة اماكن على حساب المطبخ )

هكذا كي تطيح عينا فيهم نتفكرو ..


راني نذكر فيكم و في نفسي