السلااام عليكم
واشراكم واش حوالكم
اليوم بعد محاولات بزاف مع المنتدى
رايحة نحط ورشه و على الله تصلح
الكتان وريتولكم من قبل حبيت نخيطو حاجه خفيفه لختي
رسمت الباترون و بديت نفصل
الظهر فصلتو نورمال و الامام درابي كول مونتون ام ايا كيما تفاهمنا
المونش فصلتو بودي نورمال
لكتاف قصيتهم و استبدلتهم بقماش اوخر
ركبتلو لا توال كولونت
باش يساعدني في لخياطة و مايتكسلش من بعد
و ركبتهم في الروبه من امام و خلف
هذا من خلف
و هاذي من الامام جي شوي درابي
و تركبي المونش بعد ما تلصقي الامام مع الخلف
و كي خلصت و جملت الروبه جبت لاباراي لي تلصق لحجر و بديت نلصق بصح اطونسيون تشريو هاذ الكاليتي ماشي مليحه تحرق و ماشي كيما تاع لنترنات هههه انا تكلحت فيها معليش برك
هاي ليكم
و هذا هو الشكل النهائي
هيا واش رايكم لبنات راهي ساهله ديرو وحيده شتيو بيها ما تبقاوش غي تتفرجو
هيا دمتم بود
و السلام عليكم و رحمة الله و بركاته