[سماح أم أنس]

باسم الله الرحمن الرحيم
تحية لكل عضوات منتدى البجلفة الي كان لهم الفضل اني اصبحت بطبوطة و السبب الوصفات الرائعة الي دايما تبهرونا بيها و تجبرونا على التطبيق
المفيد نجو للموضوع
هاد الكيكة ما عندهاش وصفة دقيقة ..اسنعملي الخضار الي تحبيهم و الي ما تحبيهش ما تديريهش
بالنسبة ليا استعملت حبة بصلة كبيرة ..+ قطعة دجاج + جزرة + حبة قرعة + نصف راس فلفل + شوية سفلور + بادنجانة وحدة + فرماج و كرام فراش
في البداية ديري شوية زيت و حطي البصلة تتقلى و زيدي عليها الدجاج مقطع و الجزر و القرعة مرابيين من الأحسن

و زيدي الفلفل


زيدي السفلور مغلي و مقطع رقيييق


زيدي حبة طماطم و ملحي و تبلي بلي التحبيه بالنسبالي درت فلفل اسود و شوية قصبر مرحي .. و بعدها زيدي الفرماج و كرام فراش و المعدنوس و الحشيشة


في هاد الأثناء وجدي بطاطا مرحية بوري ..ارحيها وحدها و ما تزيديش معاها الماء .. و حمري حبة بادنجان و حبيبة قرعة






في المول الي يتفتح ادهنيه بالزيت و رشي شوية شابلور و فرشي البطاطا ديالك الي تنطوني زدت عليها 2 مغارف فرينة و زيدي فرشي البادنجان و القرعة


حطي الخليط و ديري من الفوق 2 مغارف كرام فراش و زيدي رابي الفرماج و الى الفرررن سر.. و هايليك البابيشة تاعي




و هدا لأول رد



دقائق و أكتب الوصفة