مساء النور نتمنىتكونوا كامل ب1000خير اليوم درت تارت التفاح من مطبخ منال العالم..نتمنى تعجبكم وتجربوها.. العجينة -1كوب ونصف فرينة -نصف كوب سكر ناعم -10م ك زبدة طرية -1 حبة كبيرة صفار البيض -قرصة ملح+قرصة قرفة+م ص فاني الحشو *لكرام باتيسيار -نصف لتر حليب -150غ سكر عادي -70غ نشاء -3صفار بيض +فاني *طبقة التفاح -5 تفاحات -نصف كاس سكر -نصف كاس صغير ماء -م ص قرفة التحضير نمحرو الزبدة مع السكر مليييييح ونضيفو صفار البيض والملح والفاني والقرفة وندخلوهم مع بعض ونضيفو الفرينة حتى نتحصلو على عجينة طرية نلموها بلا منعجنوها ونريحوها لندة 20د في الثلاجة وبعد مترتاح نحلوها بالحلال ونحطوها فالمول انا ستعملت هد المول ونخلوها طيب على نار 180د لمدة25د وكل وحدة والفرن تاعها وفي هده الاثناء نخدمو اكرام بتيسيار نخلطو الصفار مع السكر والفاني بالباتور ثم نضيفو الحليب ونحطوها على نار هادية ونحركو ونضيفو النشاء ونحركو حتان تخثار ونحطوها تبرد في مقلاة نحطو طرف زبدة مع التفاح والسكر والماء والقرفة ونخليوه يغلي كي تشوفوه طاب نحيوه كي تخرج التارت نحطو فوقها لكرام باتيسيار نسيت نصور مرحلة الطياب لازم نثقبوها ونثقلوها بحاجة انا غلفتها بالالومينيوم وحطيت فوقو مول ثقيل ونبهيوها بالتفاح على شكل وردة وبقشورو انا عملت اوراق و وردة هاي ليكم بالصحة والهناء.. ماتنساوش التشجيع...شكراا..