[نسائم الهدى]

يسهل على الانسان اسداء النصائح عندما يكون متفرج
كما يسهل عليه ايضا الحكم و التعليق و الانتقاد و الذم وكل شيء سهل جدا عندما تكون خارج المشهد
جدي ربي يرحمو كان يقول :
فرخ الشيب ياكلو الذيب
تعرفي بلي كاين برتقال في الصيف؟؟؟
هل تذوقته يوما؟؟؟
انا تذوقته
لا طعم
لا رائحة
و حتى انه ناااااااااااشف من العصير
الحاجة كي يفوت وقتها تصمااااااااااط
و اذا على الياقوت والمرجان والجواهر الكل
ألور واش قلتو ترجعو الكل ياقوت و مرجان و لؤلؤ
و تحبسو وتبقاو بلا زواج حتى تزيد قيمتكم
موش هكدا خير
لكي تصبح الجزائر بلاد الجواهر و اغنى بلاد في العالم
و ادا اللي تبقى بلا زواج حتى تفوت 35 او 40 ترجع لؤلؤة و جوهرة
علاش راكم ما تصدقو يجيكم عريس تتزوجو في ال 19 و ال 20 و حتى قبل؟؟؟
علاش ما تبقاوش في ديور والديكم حتى تلألؤو و تجوهرو و من بعد تتزوجو؟؟؟
يزنا عاد من الهدرة في الوسع
و راني حابة تدخل وحدة عمرها 35 سنة فما فوق و تقولي راني في قمة سعادتي كي مازالني في دار بابا
ماشي يدخلو بنات 22 و 24 سنة و ممكن اقل و تقول :
ايه صح كاين منها
تقدر المرا تعيش بلا زواج و بلا دراري
الهدرة في الوسع


كانه هدي المرا ما عندهاش قلب
ما عندهاش عاطفة او احساس و شعور
ما عندهاش لحظات تحتاج فيهم لراجل معاها


نقولك انستي
في دهية الؤلؤ و المرجان و كل النفائس
في سبيل زوج وليد حلال تحبيه ويحبك
و في الوقت موش بعد ما يفوت الحال


علابالنا بلي مكتوب ربي سبحانه و تعالى
و لكن هذا لا يمنع كونه امر مؤلم
و هذا لا يعني ان نقول لمن هي في هكذا وضع
انت لؤلؤ و در و مرجان
لا داعي لنكذب عليها
بل لنقل لها

لك الله يا اختي
هو حسبك و معينك و هو رازقك
كان الله في عونك
على الحياة و مرها و البشر و السنتهم
و من قنع شبع


الوسع الوسع الوسع
الهدرة في الوسع ساهلة
سلام