[* الحلم سكر *]

و عليكم السلام و رحمة الله و بركاته
راح نقلك رد تكتبلي مرة هنا و تقريبا لنفس حالتك
باختصار هو اني تظلمت و تقهرت مرة لسبب واحد اني تمسكت كيما راك تقولي بالتزامي
كان رد الاخوة -- و هل انتي تبحثين على جزاء الدنيا أم الاخرة ---
تصراحة حقرت روحي لي خممت هكذا و استغفرت و قلت واش راني نخمم لعنت ابليس و قلت الحمد الله و استغفرت كثيرا
أجل كلمة او جملة رجعتني لعقلي
اسأل روحك و راح يوصلك الرد
بالاضافة شكون قال باللي التزامك و قربك لربي سبحانه ماهوش منعك من حوايج اسوء .. بالاك ربي سبحانه مخبيلك ما خير
ايه 27 سنة و مازالك شاب و الدنيا قدام خليها تسهال لغيرك بالحرام ؟ الله لا يجيـبـها
علابالي راح تقول لهدرا ساهلة لا لا ماكانش لي ماهوش ضعيف و حاب من الدنيا كذا و كذا
انا نقلك سلم امرك لربي سبحانه راح يرزقك واش باغي و راح يرزقك الصبر و نعمة الرضى
شوف خويا للي اسوء منك و اسعى لرزقك و خليها على ربي سبحانه
و ربي معاك
( ايه نسيت نقلك الامر اللي بكيت منو و الشيطان يلعنه وسوسلس و قالي التزامك السبب .. الحمد الله يا ربي انا رضيت و نسيتو بصح اللي خلقني و اللي أحن مني على نفسي ما نساهوش و نصرني و لو بعد سنوات اقسم بالله فرحت و كانها في تلك الايام و اكثر ... يعني ما تخليش الشيطان لعنة الله عليه يدخل من هذا الباب
استغفر و قول الحمد الله و ان شاء الله يا رب تفرج عليك و يرزقك ربي سبحانه من اوسع ابوابه..)
أســــــــــــــــفـــــــــة عـــــــلى الاطـــالـة لكــن حبيـــت نوضحــلك عدة امـــور