صباح الخير حبيباتي جيتكم اليوم و جبت معايا كيكة كانت من بنات أفكاري ههههههههه حبيت نمجز فيها بين طعم التمر و القرفة لي هما مكونات عربية المذاق و طعم الشكلاطة و كريمة الزبدة لي تتميز بيهم الحلويات الاوروبية خاصة علابيها حبيت نمجز بين الذوقين و لهذا سميتها كيمة الأصالة و المعاصرة هههههه وصدقوني ذوقها جا هااااااااايل جربوها هههه. ما نطولش عليكم نبداو باسم الله في الخلاط او بواسطة المضرب الكهربائي نحطو 4 حبات بيض + كاس سكر + فانيليا نضربو مليح حتى نحصلو على خليط رغوي تم نطيفو بالعقل كوب تاع زيت في هذه الاثناء نكونو مضفنا كاس تاع غرس (تمر ) و شمخناه بشوية ماء سخون و نظيفوه للخليط مع التقليب بالسباتيلا فقط و الان نزيدو 2 كوب فرينة و 1 خميرة و ملعقة صغيرة قرفة في مصفات كي تنزل على الخليط مثل المطر ههه و نحطوها في الفرن لما طيب نخلوها تبرد و نقسموها و نحشوها بالكريمة بنسبة للكريمة هي كريم باتيسير لي تتباع او تحضريها في البيت تزيديلها كمية من الزبدة و تخفقيها مليح نخليكم مع الصور و هاهي الكريمة نحضروها و لما تبرد نزيدوها الزبدة و نخفقو و طريقة التزيين نتوما و امكانياتكم و الذوق تاعكم كل وخدة وش تحب انا زينتها بقناش الشكلاطة و الحواف بالمكسرات حبيت ندخل المكسرات باش تبقى محافظة على طابعها العربي ههههههه نخلكم مع باقي الصور و نتمنى انها تعجبكم دعوة خير برك