وان شاء الله تكونو بخييير
هذي القرتان نستعملها بزاف في كي يبقاولي كميات قليلة من انواع الخضر ( تصلح ثاني حساء بالجبن
) وبلا ما نطول عليكم نبداو باسم الله بطاطا , جزر , كرنب ( ما كانش حاضر بصح يمد طعم رائع ) , زاليقو ( لوبياء ماشطو ) , باذنجان , قرعة , كل هذي الخضر مقطعة الى قطع صغيرة ثم نقوم بقليها او تفويرها ( القلي يمدلها طعم اخر واحسن من التفوير ) صوص من طماطم وبصل وثوم وملح وفلفل اسود وكسبر وكمون و معدنوس
للنكهة والتزيين بيض فرماج قرويار وزيتون اخضر و معدنوس
نخلط الخضر مع لا صوص مليح باش كامل الخضر تتنكه و نزيدو البيض مع القليل من الفرماج ونخلط الخليط باش يدخل فيه الفرماج ونعدل الكل على مستوى واحد في الصينية ثم نكمل البيض اللي عندنا من فوق ثم الزيتون ثم المعدنوس وفي الاخير الفرماج والى الفرن على نار متوسطة ولمدة 15 د والصور توضح ذلك
في امان الله وبالصحة والهناء