السلام عليكم و رحمة الله أنا الطريقة الي نستعملها هي أني ندير السميد المتوسط مع قرصة ملح و شوية زيت مخلط مع الزبدة الذائبة أو المرغرين و نحك بين يدي قد ما يدخل ليدام فالسميد ثم نبلل بالماء قد ما نلم العجينة و نشكل خبزة.وندخلها للفرن أو تقطعها مربعات ونطيبهم في الطاجين أو مقلاة المضادة للالتصاق ومين يطيب نفتته مليح ثم تفوته في الغربال تاع البركوكس والي يبقى نزيد ندقه بالمهراس أو نطحنه في الروبو ويعاود تفوته في نفس الغربال ثم نحمصه في المقلاة أو الطاجين يكون نظيف طبعا قد ما يأخذ اللون الذهبي ثم نفوره مرة واحدة فقط حتى يطرى وفي الأخير نكون موجدة الزبدة أو المرغرين الذائبة و العسل و نديرهم عليه بالترتيب اي الزبدة اولا ثم العسل والكمية طبعا حسب كمية السميد و حسب الذوق اذا بغيتيه راوي و حلو بزاف ولا شوية ويخلط مليح باش تدخل فيه النكهات ثم يقدم في الطبق والتزين طبعا حسب الذوق وحسب الموجود عندك أنا عن نفسي نبغيه سامبل لان بنته فييييييه،،،،،،،ملاحظة فقط تقدري ديري شوية سكر ولافاني مع السميد.قبل ما تبلليه باش ماتكثريش العسل في الأخير وأيضاً تقدري تبلليه بالحليب في مكان الماء كذلك يجي بنييييين........... أتمنى أني نكون أفدتك أختي لانه بهذه الطريقة يجئ هاااااايللللل