[مريم الصابرة]

المشاركة الأصلية كتبت بواسطة yasmin2013

وعليكم السلام حبيبتي مريم
بما اننا في مجتمع مسلم علينا ان نحس بهذه الفئة ونحن الحمد لله ميسورين الحال
انا والله يتقطع قلبي عندما ارى محتاجا لكننا لا نستطيع مساعدة كل الناس
ولكن نملك لهم الدعاء
وبارك الله فيك اختي مريم على حسن المتابعة

السلام عليكم يسمين اختي
المشكل هنا إنو المساعدة رجعت للأسف بالوجوه وبالمعرفة
لو نقولك إنو نعرفو شخص فاحش الثراء يعني لدرجة ممكن النار ما تاكلش الدراهم اللي عندو تتخيلي إنت إنو في زكاة الاموال يمد رداهم لصديقتو اللي داير معاها علاقة فالحرام وامامو بزاف فقراء كان قادر يبني بيت لشخص ويسترو وربي يديرلو دار فالجنة
كان قادر يتكفل بيتيم ومصاريف دراستو وتكون صدقة جارية ألف باب كان قادر يفتحو نتاع خير لكن ما نعرف علاه يحبو الحرام
ونقولك بسمين إحنا الزواليين نحسو بعضانا والله كيما قلت قلبك يتقطع وصدقيني ونحكي من قلبي مرات نمد واش عندي فالطريق وحتى لو ما نلقاش ثمن الحافلة وعادي ندبر اموري ونرجع للدار بأي طريقة من كثيرة الشخص يغيضني وما نتحملش مرات والله نولي نبكي وحدي فالطريق لما نشوف شخص فقير بزاف قلبي ما يخلينش
نحير فاللي عندهم الدراهم وقلبهم حجر ربي يتولاهم معليش إحنا اللي نقدرو عليها نديرو وربي معاهم شكرا