السلام عليكم حبيبتي رياحين الجزائر هذي طريقة من اللطرق لنطيب بيها السردين سيرتو كي نكون مزروبة ان شاء الله تعجبك و تعجبكم انتما ثاني المقادير *سردين *فلفل حار مقطع *بصل مقطع *فلفل حلو مقطع *ثوم *رند *الكابر "يمكنك الإستغناء عنه" *زيتون اخضر مغلي "يمكنك الإستغناء عنه و لكن يمد ذوق انا نحبو و لتحب ديرو ديرو" *فنجان ماء *زيت *فلفل اسود+ملح+شوية كمون بالنسبة للتتبيلة نحتاج *1 حبة طماطم مرحية *1/2 م .ك طماطم مصبرة 1م.ك هريسة *ثوم"كمية مليحة" *فلفل اسود+ملح+فلفل احمر بودرة "حار+حلو"+كمون "كمية مليحة كيما راهي موضحة في الصورة" التحضير نبدأ بالتتبيلة نخلطو مكوناتها كامل مع بعض و نبدأ نحشي السردين و نحط شوية زيت في المقلاة و نحط فيها السردين نحط فوقو البصلة و نزيدو فوقو الفلفل الحار و الحلو و نحط شرائح طماطم "مشبزاف 4 شرائح" + الكابر + الزيتون الأخضر+ طماطم المرحية+ فنجان ماء+ رند و نتبلوه و نملحوه و نشعلو عليه النار حتى يولي يغلي و نقصو عليه و نغطيوه و نخليوه يطيب على نار هادئة هذا راهو يطيب "من قلب الحدث" و لهنا راهو طاب تقدري تنشفي لاصوص اذا حبيتي نسيت التتبيلة اذا بقات تقدري ديري بيها شكشوكة السردين https://www.djelfa.info/vb/showthread...post1054972813 كيفية تحضير الزيتون نجيبو زيتون و نشلشلوه مليح و نحطوه في الكسرونة و نزيدولو شوية سكر + ماء و نحطو على النار نحطوه في النر و نخليوه حتى قريب ينشف "تقدري تبدليلو الماء اذا كان مالح بزاف و ترجعيه على النار" و مبعد نجبدوه من النار و نشللوه و يكون واجد باش نستعملوه و ان شاء الله يعجبكم و نكون وافيت في الشرح و مانسيت والو