اقتباس:
المشاركة الأصلية كتبت بواسطة douda21
السلام عليكم يا اهل الخبرة اريد تجديد صالون بيتنا و انا حائرة في اختيار نوع الاثاث المناسب بالتحديد les banquette
اريد موديلات ان امكن صور
هل اشتري البونكاتات تاع الظهر ام الي بدون الظهر
او الفوتايت الي خرجو جدد بصح انا منشتيهمش خاطر راح نتقيد بلون واحد دائما و هو لونهم ارجو الافاذة
|
وعليكم السلام و رحمة الله تعالى و بركاته
اولا ليس لدي خبرة كبيرة في الديكور لكن نحب نعاونك بما اعرف
اول حاجة انا مانشطركش الراي في انو الفوتايات اللي خرجو جدد تتقيدي فيهم بلون واحد
حنا في دارنا دايرين واحد في الصالون و مدخلين فيه عدة الوان باه يتناسق مع باقي الاثاث
يعني تقدري تختاريه في اللون الابيض او اللون الباج و تدخلي فيه الالوان من خلال لي نابغون و المخايد و الكاش ريدو و الزربية و تقدري ايضا تضيفيلي اكسسوارات مع الصالون
وثانيا تقدري تديري تفريشة نتاع صاون ماروكان مع الزربية نتاعهم و اكيد لاتابل نتاعهم مع الكاش ريدو و مش شرط تدريهم مع البونكات يعني تديريهم تفريشة على الارض مباشرة
و الا حبيتي تديريلهم البونكات تقدري تديريهم تاع الظهر ولا بلاه مي الا درتيهم تاع الظهر يكونو في الظهر نتاعهم مزخرفين باه يعطو مظهر جميل
بالتوفيق اختي