السلام عليكم ورحمة الله وبركاته
طبعا اكيد كلنا لما اتاخرت لجنة الانتخابات فى اعلان النتيجه الاغلبيه قالوا انهم بيدبروا شئ عشان ياخدها شفيق
وبدا التهديد والوعيد
ولكن بعد اعلان النتيجة
يجب تقديم اعتذار للقضاء المصرى وللجنة الانتخابات
وحقيقى الف مبروك لمرسى رئيسا لجمهورية مصر العربيه
فى انتظار ان يكون مرسى رئيسا لكل الشعب المصرى
االنهارده الناس كلها كانت على اعصابها حتى احنا فى الشغل المفروض بنمشى الساعه 3
من الساعه 12 الضهر لاقيناهم بيمشونا
ولما رجعت لاقيت الجميع فى انتظار النتيجه وانا كنت فى الشارع وقت اعلان النتيجه خصوصا فى الميدان التابع لمدينتى وبجد شفت فرحة المصريين ودعيت ان مرسى فعلا يكون يستحق الفرحه دى
ويقدر الشعب الى نزل عشان مرسى ولاستكمال الثوره
سيادة الرئيس محمد مرسى ((إذا كنت قدرنا فليوفقك الله و إذا كنا قدرك فليعنك الله ))