بسم الله نبدى تنبيه : هذا الرد يحتوي على مشاهد لا يسمح للمشاهدين أقل من 249313 سنة برؤيتها * درت شفلور : تطبيق زعمة تفتت كامل ورجع روينة خلاص قليتو بالسيف وفي الأخير لقيتو مالح يرهج ماقدرناش خلاص ناكلوه كلينا غير اللحم والصوص * البارح درت بيتزا للعشاء عادي جدا العجينة كي طابت جات خفيفة بصح تحسيها ناشفة وكأنو اول مرة في حياتي نديرها هوما قالولي راهي نورمال بصح انا شكيت يطلعولي في المورال وزيد مالقيت والو درتها غير بالكاشير والأجبان غاضتني مسكينة مرمدتها : * البارح العشية قاتلي ماما ديريلنا قاطو العيد واش تستناي فرحت ماما تقولي لبزي ؟ درت صابلي الميرانق نتاع ليدي جربتو من قبل والله خلطت برك جا يهبل هذي المرة ساح وناح وجا يتفتت وخلات عليه راح البلاطو 1 ضحية : شوفو كيفاه كامل لصقو في بعض روح قلت مالا ننقذ البلاطو الثاني لبزتو زدتلو الفرينة جا مليح كي حطيتلو الميرانق ذاب الميرانق وسال خلاص وشقق شوفو : * هذي قالتلهم بعدو لهيه فوكاتشيا جاونا ضياف قاتلي ماما ديريها تصورو مالفة في 20د تحمار قريب تتحرق بقات أكثر من ساعة ونص في الفرن وخرجتها عجين بيضاء وماعجبت حتى واحد بقات هكذاك وتبهدلت قدام الضياف تصوري عشيتهم على 22.30 نتاع الليل * حبيت كيما افتتحتو كوزينة الأدب العربي نجيب الباروك درت حاجة حلوة : سويسرول أم رامي مالف في 8د يطيب هذا بقى 25د بقى عجين قال لي لا فحلة طيبيني لفيتو لصق في بعضاه ماحبش يتحل ماقدرتش ندير الداخل المعجون وليت بالقلقة ذريت سكر ناعم كي جينا ناكلوه لقيناه عجين رميتو * هذا جاج بالعسل مالف يجي يهبل كي جا بنين جا مالح يقتل * الكوكا عاودتها 2 مرات حبيت نعاود نصور المراحل مليح في 2 مرات تكمشت وجات عجين من داخل مع انني مالفة نديرها وليت دورتهالهم " اندومي " * واللي طلعلي الغاز للمخ : غريبية أم كوثر جاتني شوية يابسة درتها بالمارغارين جات تتقرمش وليت قلتلهم كولوها راهي ليكم كي كلاوها وبقى منها غير قدر صحن ( كانت في بوغت مونجي مغلق ) لقيتها رجعت طرية تهبل والحاجة الوحيدة اللي صلحت هي : * شريت بطاطا قرنون ودرتها جواز جات تححححححححححححححفة * وهذا طبعا لوكان مايصلحش نقتل روحي بقاتلي حاجة راهي في الثلاجة واليوم نكملها ولوكان ماتصلحش لاجات يدي في حاجة ياخاه هذا واش اسموا ؟ أسبوع كامل كل يوم تبهديلة