أولا السلام عليكم
إن شاء الله كلن بخير الحاضرات و الغائبات ربي يرجعهم على خير
موائدكن يشهو تبارك الله الواحد زايد غير يزيد في الميزان سخفتونا ووووواااااع حابا ندير رجيييم
هذا مثوم فلة ساهل و بنين مادرتش المعدنوس سي ريان تعلم يكرهو ههههه
ها عشاء تركي بعثتهولي جارتي التركية أول مرة تجيني شفتو كلش بسيط حنا نضالو نزوقو في السلاطة و نبدعو هما ياكلوها أوراق تسمعي غير قز قز قز هههههه بصح بنين
هذي أوملات خضر هايلة من راسي مليحة للأولاد لي مايكلوش الخضر
غني على التعريف
هذا جواز بطاطا بالسلق لي يجي خشين مممم سخفت عليه شريتو و طيبتو أول مرة راجلي مايجبوش خلاااص
هذي كانت عندي 2 حبات بذنجان جاتني فكرة عملتلهم صوص تومات عاقدة و طيبت شوية لحم مرحي زدتهولها و ذبلت البذنجان في شوية زيت في مقلة مغطية و زدتو للصوص و اللحم و خليتهم تجمرو شوية ثم كسرت بيضات وولات شكشوكةبنينة تهبل مع المطلوع
لي بات
هذا ديسار خفيف غطست قاطو بودوار في عصير و رصيتو فيالكؤوس حتى للنصف ثم خلطت شونتيي بالجبن الماسكاربون و حطيت من فوق البسكوي راسي ثاني
لي بات بكفتة الدجاج و الشومبنيو و كرام فراش يموت عيها زوجي لوكان يصيبها غداء و عشاء من راسي ثاني
