اختي لازم تهدري معاه و تعرفي عقليتو لوكان يكونو عندو طبايع نتي متقدريش تتحمليهم ؟ ماتنسايش بلي هذا الرجل حتكملي معاه حياتك و زيد كي قلتي (ذا خلق و دين) بالاك يكون منافق كي متهدريش معاه عمرك متتأكدي و تاني معندوش علاه ميهدرش معاك ياك عقدتو عقد شرعي الا اذا كان ميقدّرش قيمتك كيما قلتي
اذا كان يتصرف هكذا معناه هذا ماراهش ناوي يبني بيت الله يعلم واش راه ناوي من هذا الزواج
اختي انا ننصحك تعفسي على قلبك و تعرضيه لداركم مرة على مرة يجي و تتعرفي عليه اكثر، واذا محبش يهدر فالهاتف ادي معاك محرم و نظّمو خرجة هكذا ماعندو مايقول
زيدي فكري مليح قبل ما تتخدي اي قرار لانك اذا تزوجتي بيه و انتي متعرفيش تتواصلي معاه يصراولكم مشاكل فالمستقبل.
انشاء الله يكون هذا الصمت ديالو عكس واش راكي تظني و ربي يقدملك اللي فيه الخير.
بالتوفيق