انا اسكن في ولاية باتنة في كشيدة و العام هذا ديت الاهلية و درت اداب و نورمالمو نقرا في الليسي بصح بعثونا حنا تاع الاداب السنة الولى و الثانية و الثالة تسيير و اقتصاد نقراو في ابتدائي و البتدائي بعيدة عليا بصح قلت معليش نهار الاحد قرينا ساعة و بقينا نستناو نص ساعة باش يجي الاستاذ تاع الساعة الثانية جانا مراقب خرجنا و خرجونا كامل و قالولنا لعشية ارجعو لعشية رجعنا ساعة و نص و حنا نستناو في الشمس و مبعد روجنا و اليوم ثاني روحنا مقريناش و قالولنا حتى نهار الاربعاء و ارواحو بلاك نحلو المشكل و دوك رانا نسناو و مع العلم حنا عندنا ثانوية وحدة فيها غير العلميين و لي غاتنا كيفاه زعما الاداب ميعرفوش يقراو طيشونا و العلميين دارولهم بلاصة علاه حنا معندناش احلام و ماناش عباد انا باغيا رايكم