انا مبتدئة في الخياطة و لاني في البيت نتعلم من المنتديات لكن بعد تعلم الباترون و غيرها من القص ,,,,,,,,,,,لقيت نفسي امام عائق كبير الا و هو الخياطة في حد ذاتها لاني ما نعرفش حوايج بزاف
مثلا الان عرفت من خلال الاخت biba04 v ربي يحفظها لاتوال و لاتوال كولون المهم من كل واحدة خبيرة ما تبخلش علينا بمستلزمات الخياطة للحصول علي خياطة نظيفة و متقنة جدا مثل الجاهزة و يا ريت حتي انواع الخياطات مثل الزيقزاق و غيرها ارجو التفاعل و فتح الموضوع
la vlieseline او الفيزلين نستعملوه لتبطين القطعة المرادة مثل الرقبة و اماكن فيها الخرز باش تجي واقفة و شادة روحها و كاين نوعين الرقيقة و الخشينة لي تستعمل كيما قالي مول الحانوت للفتلة و المجبود و هذه صورة و السعر اظن المتر ب 12الف
و نسيت نقول تتلصق بالمكواة من جهة واحدة
https://www3.0zz0.com/2013/08/30/19/368573311.jpg
لاتوال la toile
اعتقد كيما ذكرت الاخت biba 04 ايضا يستعمل للتبطين مثل الفيزلين لكن خفيف و سهل الاستخدام ايضا بالمكواة
التيلو la tulle ايضا رايت عدة خياطات يستعملوه للرقبة النوع الرقيق منو اما النوع الخشن يستعمل لاعطاء الفساتين كثافة
و يستعمل ايضا في صدور البينوار السطايفي و البلوزة الوهرانية
tafta او طافطة يستعمل لبطانة مثلا السواري او التايورات الكلاسيك و غيرها و حتي الفساتين
