السلام عليكم اخي الفاضل فقط مساعدة اردت ان اساعدك بها لانه لي زميلي كان هناك واتلقيت به تقريبا منذ 15 يوم واطلعني على كل شيء
اولا اخي الكريم زميلي هو التحق في سبتمبر 2012 تقريبا الان عندو عام
هو التحق بها بعد ان جاءه امر التحتق معناه الورقة البيضاء
المهم بالنسبة له راح فوت المشكل انو هو يسكن في غليزان ماطلقوهمش تقريبا بعد 5 اشهر قالي كل مرة يأجلونا
قالي هي شوية واعرة على المدارس الأخرى
وبالنسبة للتخصص فهو قوات خاصة والان بعدما اكمل 6 اشهر راه في منطقة واعرة في بومرداس والميتاسيون كل واحدة ومكتوبو
المهم خويا انا تقريبا عطيتلك المهم باش نعاونك
اما بالنسبة لك خويا الخدمة الوطنية كامل تقريبا نفسها في المدارس
انا تقريبا مارس الماضي قعدت نصقصي على مدرسة اطارات المشاة في سيدي بلعباس ولا واحد شكرهالي الكل كان يقول واعرة
وحقل الرماية بعيد و و و و الخ بعدما ماروحتش وقعدت نستفسر لقيت تقريبا ان المدرسة خرجت 200 واحد فائض ندمت لي
ماروحتس
نوصيك حاجة خويا دير ربي في خاطرك وماتلحق واش كاتبلك ربي
شوف الحل لي يساعدك انا تقريبا كيما نتا جاني امر استدعاء في الناحية العسكرية الأولى ودرت في راسي اني نروح امر لا رجعة
فيه رغم اني موظف وبشهريتي
مي واش حاب دير الواحد يدير المستحيل باش يجوزها في اقرب وقت وتريح مبعدها
شوف توكل على الله خاصة يلا جاك امر باللتحاق مع لوردبال معناه كون ماتروحش تولي روشارشي
روح سوي الوضعية نتاعك مدامك قانوني خيما يجي واحد الوقت نتا تولي تدوموندي على لوردبال وماجيكش
هذا تقريبا ما اردت ان افيدك به لتطمئن نوعا ما
ان شاء الله دعينا ربي معاك يوفقنا نحن وانتم ان شاء الله نفوتوها ونخرجوا سالمين بحول الله تعالى
الواحد مايلحق واش كاتبلو ربي
والسلام عليكم تقبل مروري