[islam1aya]

السلام عليكم

حلوة كحلوش وقلبو بيض بنينة بزاف وتقطع كمية مليحة ومناسبة للولائم والمناسباتوالاعياد

بدون اطالة اليكم المقادير
مقادير العجينة

500غ زبدة طرية
1كاس سكر ناعم
فاني
3صفار بيض +بيضة كاملة
1كاس مايزينة
3مغارف كاكاو اسود
1خميرة
فرينة


مقادير الحشوة

3كيلات نواة كوكو
كيلة سكر عادي
بيض


طريقة التحضير
نخلط الزبدة مع السكر قلاص والفاني جيدا


نزيد البيض ونخلط
نزيد الكاكاو والمايزينة


نزيد الخميرة ونلم بالفرينة وتكون العجينة طرية جدا



بالنسبة للحشوة
نطحن السكر مع النواة كوكو


ونلم بالبيض


تكون الحشوة حاكمة روحها ماشي جارية

نشكل من الحشوة كريات صغيرة

شكلي كويرات من العجينة وديري في وسطها كرة من الحشوة

شكليهم كريات صغيرة وديريهم في صينية الفرن مرشوشة بالفرينة

ودخليهم يطيبواماطيبوش بزاف غير10دعلى 180درجة كما الصابلي وخرجيهم وخليهم يبردثم حضري قلاساج شكولاوقلاسيهم وزينيهم بورود بيضاء او خطوط شوكولا بيضاء انا نستعمل الخليط الابيض تع ام رامي

ثم قدميهم






وهذا شكله من الداخل ابيض على هذا اسمه كحلوش وقلبو بيض



ملاحظة انا درت نصف المقادير واستعملت بيضة كاملة +1صفار تخرج من 55حبة الى 60حبة حسب الحجم تع الحبة
شكرا خاص لاحلى ياسمينو

اهدي هذه الحلوة للغالية ام ابراهيم اوعدتها بحلوة بالشوكولا والنواة كوكو نتمنى اجربيها اختي

وانتن ايضا غاليتي ان شاء الله اجربوها لانها رائعة وبنينة بزاف

مع تحيات اختكم ام اسلام واية